-3 °С
Болытлы
XXII партсъезд ис. кооператив уңганнары кышлату чорында маллардан күбрәк продукция алу һәм эре мөгезле терлекләрнең баш санын саклау максатында җиткелекле азык запасы булдыру өчен аяз көннең һәр сәгатен тулысынча файдаланырга тырыша. Әйтергә кирәк, мал азыгы хәзерләүгә тәгаенләнгән техникалар ремонтына тиешле игътибар бирелеп, алар кирәкле кадрлар белән комплектланган.
Бүгенге көндә 299 гектар мәйдандагы басуда эш кайный – сенаж салу оешкан төстә бара. Әлеге вакытта сусыл азык 1324 тонна тупланып, аны 4590 тоннага җиткерүне планлаштыралар. Гомумән, һәр шартлы баш малга 45 ц азык хәзерләүне максат итеп куйган алар.