Нәтиҗәлелеккә ирешеп

Семинарны муниципаль район хакимияте башлыгы Илдар Мостафин ачып, агросәнәгать комплексының агымдагы елның биш аендагы эшенә йомгак ясады һәм агымдагы чорга бурычлар билгеләде. Аграрийларның төп максаты - минималь чыгымнар һәм югары сыйфатлы терлек азыгы әзерләү. Моңа бары тик агрономнар, инженерлар, ветеринарлар һәм зоотехникларның тыгыз хезмәттәшлеге булганда гына ирешеп була. Район авыл хуҗалыгы идарәсе начальнигы Сергей Пискарев терлек азыгы әзерләүне оештыруның төп бурычлары турында сөйләде. Баш инженер Рәмил Мостафин азык җыю һәм ташу өчен авыл хуҗалыгы техникасын күрсәтте.

Чарада катнашучыларга «КЗ Ростсельмаш», «Акрос РБ», «Гомсельмаш»,«Брянсксельмаш» һәм башка җитештерүчеләрнең җиһазлары күрсәтелде. Терлек азыгы әзерләүдә һәм биопрепаратлар җитештерүдә махсуслашкан компанияләр вәкилләре сенаж әзерләү технологияләре белән уртаклашты, терлекчелек өчен кирәкле материаллар һәм биопрепаратлар турында сөйләде.

Район авыл хуҗалыгы идарәсенең баш ветеринария табибы Азамат Рахманов азык әзерләүне җентекләп оештыруның һәм даими тикшерүнең мөһимлеген билгеләп үтте. “Сыйфатсыз азык терлекләрнең сәламәтлегенә зыян китерергә мөмкин”, - дип ассызыклады ул. -Тикшерү өч этапта үткәрелә: саклауга куйганчы яшь үләннең һәм башка азыкның сыйфатын тикшерү, 30-40 көннән соң тикшерү һәм кулланганчы карау.

«Илеш районы ветеринария станциясе» ДБУ начальнигы Илсөяр Әюпова азыкны соңга калып хәзерләүнең аларның сыйфатын һәм эшкәртелүчәнлегенә зыян китерүен, бу исә терлекләрнең авыруларына һәм зыян күрүенә китерергә мөмкин, дип билгеләп үтте. Ул терлекләр сәламәтлеге һәм продуктлылыкны арттыру өчен оптималь срокларны үтәүнең мөһимлеген ассызыклады.

Районның аграр секторында терлекчелекнең тупас һәм сусыл азыкка ихтыяҗын тәэмин итүгә юнәлдерелгән азык хәзерләү кампаниясе актив дәвам итә. Авыл хуҗалыгы идарәсеннән алынган мәгълүматларга караганда, 10 июньгә күпьеллык үләннәр 3086 га чабылган, 20265 тонна сенаж һәм 655 тонна печән әзерләнгән, бу эшләрнең шактый күләмдә башкарылуын күрсәтә. Шуны да билгеләп үтәргә кирәк, агротехник стандартлар һәм таләпләр нигезендә әзерләнгән барлык азык мәҗбүри лаборатория экспертизасы узарга тиеш. Бу коры матдә, чи протеин, клетчатка, шикәр, крахмал һәм азыкның энергетик кыйммәтен анализлауны үз эченә ала. Бу параметрлар баланслы рационнар эшләү өчен бик мөһим, үз чиратында, хайваннарның оптималь туклануын һәм аларның продуктлылыгын тәэмин итә.

Район игенчеләре терлекләрне уңышлы кышлату өчен җитәрлек күләмдә сыйфатлы азык белән тәэмин итә алачакларына ышанып, югары дәрәҗәдә профессиональлек һәм үз көчләренә ышаныч күрсәтә. Җентекле планлаштыруга һәм фәнни нигезләнгән мондый алым авыл хуҗалыгы җитештерүен нәтиҗәле алып баруның һәм төбәкнең азык-төлек иминлеген тәэмин итүнең нигезе булып тора.

Гүзәл ФӘТХУЛЛИНА.