+22 °С
Яңгыр
Авыл хуҗалыгы
15 июль 2025, 06:30
Урак башланды. Хәерле сәгатьтә!
“Үзәк МТС” җәмгыятенең Илеш филиалы игенчеләре агымдагы елда тәүгеләрдән булып кышкы бодайны тезмәләргә салуны оештырды.
Урак башланды. Хәерле сәгатьтә!
Ул тәҗрибәле комбайнчы Булат Миңнуллинга ышанып тапшырылган. Әлегә тырыш механизатор 137 гектар мәйданда үстерелгән кышкы бодай (Московская – 39 сорты) басыунда иртәдән кичкә кадәр намуслы хезмәт сала.
Җәмгыятьнең агрономы Ринат Зыязетдинов әйтүенә караганда, уракка игенчеләр яхшы кәеф белән тотынды. Техника төзек, ягулык - майлау материаллары җитәрлек күләмдә тупланган.
Игенчеләргә җаваплы һәм тынгысыз чорда уңышлар, ачы тир түгеп чәчелгән уңышны югалтуларсыз җыеп алуларын телибез.
Лира ГӘРӘЕВА.
Урак башланды. Хәерле сәгатьтә!
