+22 °С
Яңгыр
Авыл хуҗалыгы
23 октябрь 2025, 11:00
Һәркем тырыш хезмәт күрсәтә
XXII партсъезд ис. кооператив эшчәннәренең авыл хуҗалыгының һәр тармагында адымнары ышанычлы, эш нәтиҗәләре куандыра, планнары да матур. Бүгенге көндә басуларда бөртеклеләрне урып-җыю тәмамланып, техник культураларның соңгы гектарлары суктырыла. Әйтергә кирәк, комбайннар уракка ныклап әзерләнгән. Яңа, куәтле техникалар эш барышын җиңеләйтә, урып-җыю срогын тизләткән.
Һәркем тырыш хезмәт күрсәтә
Безнең хәбәрчеләр төркеме килгәндә кооперативның соя басуында уракның кызган мәле иде. Ике комбайн бербер артлы төшеп, иксез-чиксез диңгез иңләгән кораблар сыман, иркен басуларны гизә. Урып-җыю эшләрен тизрәк төгәлләргә кирәк дип, тырышып, кара тиргә батып эшли ялан батырлары. Тәҗрибәле механизаторлар куәтле «Палессе»комбайннарында сояны суктыра. Гектар куәте 22 ц тәшкил итә. Шоферлар Барый Шәрәфисламов, (“КамАЗ”), Фәнил Вәлиев (“ЗИЛ”) яңа уңышны Базытамак ындыр табагына ташый, алар көненә 9-10 шар рейс ясарга өлгерә.
-Һава шартлары төрле сынаулар куйса да, хуҗалык эшчәннәре бар көчен салып, тырышып хезмәт сала. Һава шартларының тотрыксыз булуы гына күңелне кыра. Кояшлы көннең һәр сәгате-минуты кадерле, - бригадир Рәмзил Галләмов.
Кооператив уңганнар көнбагышны 588 гектар мәйданда үстереп, шуның 200 га артыгын суктырырган. Әлеге культураның уртача гектар куәте – 22 ц. Көнбагыш басуында комбайнчылар Азамат Йосыпов, Радик Шәһиев, Илгиз Әхмәтов зара ярышып эшли. Өлгер водительләр Илгиз Нурмөхәммәтов, Рөстәм Зәкиев, Илгиз Баязитов өзеклекләргә юл куймый.
Менә шулай бүген парсъездлылар үстергәнне түкми-чәчми җыеп алырга омтылып эшли, кооператив җитәкчелеге тарафыннан билгеләнгән бурычлар уңышлы тормышка ашырыла.
Лира ШАМИЛЕВА.
Һәркем тырыш хезмәт күрсәтә
