Уңган да, булган да

Мәктәпне тәмамлаганнан соң, ул киң профильле механизатор һөнәрен үзләштерә, аннары армия сафларында хезмәт итеп кайта. Шуннан соңгы елларда авыл хуҗалыгы производствосында армый-талмый хезмәт куя. Ул - хуҗалыкның иң яхшы механизаторларының берсе. Бүгенге көндә җир эшкәртү белән мәшгуль.

- Ришат Зәки улы - бик намуслы, җаваплы эшче, – ди хуҗалык җитәкчесе Илдар Ялалов аның турында. – Нинди генә авырлык килеп туса да, аңа ышанып була. Язгы кыр эшләре башлангач, чәчү эшләренә җәлеп ителә, көзен җирләрне эшкәртә. Уңган-булган механизаторны чын профессионал - универсал дип атарга була.