Алдынгы хезмәткәр

Илгиз Гыйльметдинов Мари-Мәнәвез фермасында терлекче булып эшли. Үз һөнәрен намуслы башкаручы алдынгы хезмәткәр мөгезле эре терлекләрне симертүгә җаваплы карап, яхшы нәтиҗәләргә ирешә. Көндәлек эш режимын төгәл үти, рационны баланслауга зур игътибар бирә.

Уңган терлекче карамагында 124 башмал асрала. Уртача тәүлеклек артымы 650-750 грамм тәшкил итә. Кыскасы, эшләү дәверендә коллектив ихтирамын яулады, үзен хезмәт сөючән, тырыш, уңган итеп күрсәтте.

Тормыш иптәше Рәшидә белән тату гомер юлы үтәләр.