Алдынгылар сафын булдыклылар җитәкли

Авыл хуҗалыгы идарәсе начальнигы урынбасары Рәмил Мостафин язгы кыр эшләрендә алдынгы механизаторларга Мактау грамотасы һәм вымпел тапшырды. Тантана хезмәт ярышлары атналыгы кысаларында узды. Бүләкләрне биш агросәнәгать комплексы предприятиесе хезмәткәрләре алды - Куйбышев ис., «Илеш» МТС җәмгыятьләре, ХХІІ партсъезд ис. кооператив, «Игенче» һәм А.Ким крестьян-фермер хуҗалыклары.

Җиңүчеләрнең исемнәре: Куйбышев ис. җәмгыятьтән Динар Хафизов һәм Василий Собарь, ХХІІ партсъезд ис. кооперативтан Азамат Йосыпов һәм Фәнүр Хәмзин, «Игенче» КФХсыннан Мурад Ганиев һәм Илдус Гайсин, А.Ким КФХсыннан Динар Мортазин, «Илеш» МТС җәмгыятеннән Флорис Шәйбәков.