Көрәшчеләр сынатмас

Кырмыскалы районының «Яшьлек» физкультура-сәламәтләндерү комплексында генерал-майор М.Шәйморатов истәлегенә багышланган көрәш буенча Башкортстан Республикасы беренчелегенә ярыш үтте. Анда 200дән артык спортчы катнашып, үзара көч сынашты. Югары Яркәйдәге беренче балалар-яшүсмерләр спорт мәктәбенең укытучы-тренеры Илдар Ямалиев тәрбияләнүчеләре Денис Гәрәев - җиңүгә ирешсә, Наил Мостафин көмеш призеры булды. Илешлеләр Казан шәһәрендә оештырылачак Русия беренчелегендә катнашып, республика данын якларга җыена.