Йөзү буенча ярыш уза

Югары Яркәйдәге икенче балалар-яшүсмерләр спорт мәктәбендә Бөек Җиңүнең 77 еллыгы һәм Советлар Союзы Герое Әнвәр Абдуллин истәлегенә багышланган йөзү буенча ачык беренчелеккә ярыш үтте. Анда  Башкорстанның Илеш, Туймазы, ТРның Мөслим,  Актаныш районнарыннан  спортчылар җитезлектә көч сынашты.

Бәйгене ачу тантанасында муниципаль район хакимияте башлыгы Илдар Мостафин, Башкортстан Республикасы Хөкүмәте Премьер-министр урынбасары Ирек Сәгитов,  төзелеш һәм архитектура министрының беренче урынбасары Алексей Новиков,  БР спорт министрылыгының спорт өлкәсендә дәүләт идарәсе башлыгы Игорь Ермилов,   Әнвәр Абдуллинның улы Наил Абдуллин, "Хәрби туганлык" ветераннар җәмәгать оешмасы әгъзалары катнашты.