Сочины тараканнар баскан

Сочи милли паркы шәһәр урамнарында Америка тараканнары пәйда булуы хакында хәбәр итә. Алар йә террариумнан качкан, йә булмаса очраклы рәвештә чит илдән кергән дип фаразлыйлар.

Periplaneta americana – иң зур тараканнарның берсе. Аның озынлыгы 5 см., мыекларын да исәпкә алсаң 10 см.га җитә. Кызгылт-коба төстә. Канатлары бар, оча ала. Алар зыянлы бөҗәкләр рәтенә керә, чөнки төрле инфекция чыганагы булып тора, аллергия бирә. Өстәвенә бу тараканнар азык-төлекне, хәтта бина материалларын бозарга сәләтле.

Ә иң нык борчуга салганы: экологлар әлеге төр таракан диңгез буенда бик җиңел “төпләнергә мөмкин” дип исәпли.

чыганак: матбугат ру: