Ярсалар ... эче тулы алтын-көмеш икән

Һиндстанның Көнбатыш Бенгалия штатында яшәүче 22 яшьлек Руни Хатум эче авыртуына һәм күңеле болгануына зарланган. Соңгы арада ул тәмам интеккән - ашаган саен коса башлаган. Бу хәлгә түземлеге беткәч кенә табибка мөрәҗәгать итәргә булган. Рентген аның эчендә металл әйберләр барлыгын күрсәткән.

Операция вакытында ашказаныннан 69 чылбыр, 80 алка, 46 тиен акчалар, 8 медальон, 5 аяк беләзеге һәм кул сәгате алганнар, дип яза Daily Mirror. Бу зиннәтле бизәнгеч әйберләрнең бәясе 4,2 миллионга баскан.

Табибларга ул аларны йоттым дип җавап биргән. "Алтын-көмешләрем югалуына аптырый идем. Үзеннән сорасам, дәшми, гел елап җибәрә иде", - дип сөйләгән туганнарының берсе.

Мондый сәер гадәте өчен табиблар аңа психологка барырга киңәш иткән.

чыганак: матбугат ру