Ир кирәксә, Чукоткага барыгыз

Бу күренеш һәр төбәккә хас диярлек. Саннар белән әйткәндә, әле Русиядә 1 мең ир-егеткә 1154 хатын-кыз туры килә.

Шулай да бер төбәктә гүзәл затларга караганда көчле затлар күбрәк икән. Ул да булса – Чукотка. Росстат мәгълүматлары буенча, бүген анда 1 мең ир-егеткә 956 хатын-кыз туры килә. Киләчәктә дә биредә ирләр дефицит булмаячак дип фаразлыйлар ведомствода. Шулай ук Камчаткада да ирләр саны хатын-кызларныкыннан артып китәргә ихтимал дигән караш бар.

Ни кызганыч, ир-егетләрнең хатын-кызларга караганда азрак булуы күңелсез сәбәпкә бәйле: көчле затлар арасында үлем күрсәткече югары. Ә бит табигатьтә бар да тигез яратылган, малайлар хәтта күбрәк тә туа әле. 0-4 яшьлекләр арасында 1 мең малайга 947 кыз туры килә. 20-25 яшькә җиткәндә 1 мең егеткә туры килгән кызлар саны 1023кә әйләнә.

чыганак: матбугат ру