+5 °С
Болытлы
Барлык яңалыклар
Сәламәтлек
4 февраль 2022, 13:00
Вакциналау коткара
Коронавирус хәзер балалар арасында күбрәк тарала башлады һәм алар аны авыррак кичерә. Бу хакта “Роспотребнадзор”ның Г.Н.Габричевский исемендәге Мәскәү эпидемиология һәм микробиология фәнни-тикшеренү институты директоры урынбасары Татьяна Руженцова белдерде.
Вакциналау коткара
Эксперт моны балаларда иммунитет дәрәҗәсе түбән булу белән аңлата. Узган елның җәеннән башлап 12-17 яшьлек үсмерләрдә “Спутник М” вакцинасын сынау бара. Тикшеренүләр барышында белгечләр балаларда аның бер генә кире йогынтысын - тән температурасы күтәрелүен билгеләгән. Гражданлык әйләнешенә ул гыйнварның икенче яртысында чыгарга тиеш. “Спутник V” һәм “Спутник Лайт” вакциналарының нәтиҗәлелегенә карата Гамалея үзәгенең һәм Спалланцани институтының уртак Русия-Италия тикшеренүләре яхшы яңалык булды. Пациентларның “Спутник Лайт” белән ревакциналануы вируска каршы яхшы иммунитет булдыруын һәм “Омикрон”нан сакланырга ярдәм итүен күрсәткән.
Властьлар Европадан чирнең чираттагы дулкыны килүен көтә. “Роспотребнадзор” башлыгы Анна Попова фаразлары буенча, ул бик көчле һәм авыручылар саны шактый зур булачак.
Фото: pixabay.com
Новости партнеров