Кабак яратасызмы?

Кабактан бик күп ризык әзерләргә була. Өстәвенә, ул бик күп файдалы сыйфатларга ия. Без дә сезгә кабактан әзерләнгән бик тә тәмле, үзе гади, туклыклы ризык рецепты тәкъдим итәбез.

Уртача зурлыктагы 1 кабак, 5 бәрәңге, 3 баш суган, 500 гр сыер ите, 2 кишер, кәбестә .

Кабакны яхшылап юабыз һәм өстен капкач итеп кисеп алабыз. Орлыклардан чистартабыз. Бәрәңге, суган, кишерне (чистартып), ит, кәбестәне шакмаклап, турап, кабак эченә катлам-катлам итеп ит һәм яшелчәләрне тезәбез. Тутырылган кабакны 160-180°С температурадагы духовкада 2-3 сәгать пешерәбез.