Бергә – Җиңү хакына

“Көмеш яшьтәге” волонтерлар 670 төргәк коры душ, 8 маскировка челтәре һәм 276 окоп шәме ясап тапшырдылар. Бу безнең көрәшчеләргә катлаулы шартларда үзләрен уңайлырак хис итәргә мөмкинлек бирәчәк мөһим ярдәм.

Югары Яркәйдән махсус хәрби операциядә катнашучысы Илнарның туганнарына 5 кг кадак һәм 40 шәм тапшырганнары өчен аерым рәхмәтебезне белдерәбез.

Зөһрә Миңнебаева шулай ук 5 тартма өй токмачы, үләнле чәй, гигиена җыелмалары һәм сохари тапшырып үз өлешен кертте.

Кадер авыл советы авыл биләмәсе халкы 24 кг өй токмачы һәм 5 тартма чәй бирде.

Йонны авылы кешеләре Ильвир һәм Фәһимә Вахитовлар, Ләйсән һәм Азат Латыйповлар штабка 20 пар носки, 10 төргәк дымлы тастымал, кәнфит һәм сушки алып килделәр.

Исанбай авылыннан чәйләр, куертылган сөт һәм чәйгә татлы ризыклар тапшырылды.

Дөмәй авылында яшәүчеләрдән 8 метр озынлыктагы маскировка челтәре китерелде. Бу безнең сугышчыларның иминлеген тәэмин итү өчен тагын бер мөһим компонент.

Битараф калмаган һәм игелекле эш башкарган һәркемгә рәхмәтебезне белдерәбез! Сезнең өлешегез бик мөһим!
Геройларыбызга тиешле ярдәм күрсәтү өчен бергә эшләвебезне дәвам итәбез.

Чыганак