Хәйрия концертлары дәвам итә

Түбән Череккүл мәдәният йортында "Ватан. Намус. Дан!" фестивале кысаларында хәйрия концерты булды. Ул Илеш районы оешуга 90 ел тулуга, Бөек Ватан сугышында Җиңүнең 80 еллыгына һәм Ватанны саклаучылар елына багышланды.

Авылның иҗат коллективлары тамашачыларга онытылмаслык кичә бүләк итте, Күркәм чарада моңлы җырлар һәм дәртле биюләр башкарылды. Концерттан кергән барлык акча махсус хәрби операциядә катнашучы сугышчыларга ярдәм итүгә юнәлдереләчәк.

Чыганак