Барлык гуманитар ярдәм журналда җентекләп теркәлә һәм пөхтә итеп төргәкләнә. Бу һәр посылка, һәр предметның адресатка барып җитүенә гарантия. Барлык ярдәм катгый рәвештә координаталар буенча - якташларыбыз-илешлеләр хезмәт иткән җиргә җибәрелә.
Бүген без "Рәхмәт!" сүзләрен безнең ярдәм итүчеләргә җиткерәбез:
- Андреевка авылыннан Артур Мөсифуллинга - 15 000 сумга якын хакка эретеп ябыштыру аппараты, электродлар һәм кисү түгәрәкләре өчен.
-Манчар авылында яшәүчеләргә - маскировка челтәрләре һәм окоп шәмнәре өчен.
- Югары Яркәйдән Рита Габитова һәм Фазилә Гыйрфановага - җылы киемнәр, инструментлар һәм исемле посылкалары өчен.
- "Кедр" кибете хуҗасы Илмир Вәлиевка - инструментлар һәм электр товарлары өчен (12 000 сумнан артык).
- Андреевка авылында яшәүчеләргә - изолон, инструментлар, окоп шәмнәре, тактик носилкалар, азык-төлек һәм догалыклар өчен.
Бергә без - чын көч!