Алар һәрчак безнең күңелләрдә

Бу көн Ватаннан читтә хәрби бурычларын намус белән үтәүчеләрне һәм бүген махсус хәрби операция зонасында Русия мәнфәгатьләрен яклаучыларны берләштерде.

Һәлак булганнарны бер минут тынлык белән искә алдылар, һәйкәлгә тере чәчәкләр салынды – бу тыныч күк йөзе өчен рәхмәт символы.

Чарада сугыш хәрәкәтләре ветераннары, МХОда катнашучыларның туганнары, җәмәгатьчелек вәкилләре һәм битараф булмаган район халкы катнашты.

Җыелучыларга сәламләү сүзләре белән Илеш районы муниципальрайон хакимияте башлыгы Илдар Мостафин, район ветераннар советы рәисе Анатолий Романов, , «Хәрби туганлык» Бөтенрусия ветераннар иҗтимагый оешмасы рәисе Фларис Нурлыгаянов, отставкадагы подполковник Илгиз Баһаветдинов һәм һәлак булган МХО катнашучысының әнисе Эльмира Шәяхмәтова мөрәҗәгать иттеләр.
Чыгыш ясаучылар тарихи хәтерне саклауның, буыннар дәвамчанлыгын һәм бүген алгы сызыкта булган геройларга ярдәм итүнең мөһимлеген ассызыкладылар.

"Яшел беретлар" вокаль-инструменталь ансамбле, Вильнур Хәсәнов, Вильнур Фазылов һәм Нурия Галиева чыгышлары митингның матур бизәге булды.

Без үзебезнең сугышчыларыбыз белән горурланабыз һәм аларның батырлыкларын һәрвакыт истә тотачакбыз!
Сугыш хәрәкәтләре ветераннары көне белән!