Гомер сукмагыннан 50 ел бергә

Алтын туй — еллар сынавына бирешмәгән олы мәхәббәтнең чагылышы ул. Гаилә ныклыгын, бердәмлеген саклап, 50 ел бергә яшәгән парлар һәрвакыт күңелдә соклану һәм хөрмәт уята. Югары Яркәй авылында гомер кичерүче Дамира һәм Сәлихҗан Гайсиннар, Глүсә һәм Әдип Бәшаровлар үзләренең алтын туйларын билгеләде.

50 ел вакыт узса да, бу гаиләләр бер-берсенә булган хисләрен үзгәртмичә, мәхәббәтләрен вакламыйча, тормыш мәшәкатьләре арасында югалып калмыйча матур итеп гомер кичерә.

Киләчәктә дә сәламәт булып, парлы, хәерле гомер телибез.