Геройларын илешлеләр онытмый

Югары Яркәйдәге физкультура-сәламәтләндерү комплексында яшүсмерләр, ир-егетләр арасында якташыбыз, ике тапкыр Советлар Союзы Герое, очучы-штурмовик Муса Гәрәевның истәлегенә багышланган призга милли көрәш буенча  ачык  турнир үтә. Яшьләрне патриотик рухта тәрбияләү, горурланырлык геройдан үрнәк алу, легендар якташыбыз исемен мәңгеләштерү максатында оештырылучы  традицион турнир быел унберенче тапкыр оештырыла.