Бәйрәм котлавы

Хөрмәтле торак-коммуналь хуҗалыгы һәм халыкка көнкүреш хезмәте күрсәтү хезмәткәрләре, ветераннары! Сезне муниципаль район хакимияте һәм үземнең исемнән һөнәри бәйрәмегез – торак-коммуналь хуҗалыгы һәм халыкка көнкүреш хезмәте күрсәтү хезмәткәрләре көне уңаеннан ихлас котлыйм, һәркайсыгызга эшегездә уңышлар, сәламәтлек телим. Торак- коммуналь хуҗалыгы өлкәсендәге хезмәтне бу өлкәдәге эш, аның күпкырлыгы белән якыннан таныш кешеләр генә тиешенчә бәяли ала. Һәр йортны су, җылылык, электр белән тәэмин итүдә, шулай ук, көнкүреш калдыкларын җыюда, канализация хезмәте күрсәтүдә өзеклекләргә юл куймыйсыз, авырлыкларга карамастан, үз бурычыгызны намус белән үтисез. Күп очракта ял көннәре белән дә исәпләшмисез. Сезнең тырышлык нәтиҗәсендә район үзәге күзгә күренеп яхшыра, халыкның тормыш дәрәҗәсе күтәрелә. Киләчәктә дә коммуналь объектлар өзлексез эшләп, район үзәге халкы ихтыяҗын канәгатьләндерү буенча эзмә-эзлекле эшчәнлек алып барырсыз, тармак алдында торган бурычларны уңышлы башкарырсыз, дип ышанам. Илдар МОСТАФИН, муниципаль район хакимияте башлыгы.

Бәйрәм котлавы