Сөн буеның моңлы кошы иде…

1 август көнне Илешнең горурлыгы, йөзек кашы булган талант ияләренең берсе,  Татарстанның халык шагыйре, Г.Тукай  исемендәге – дәүләт, М.Җәлил исемендәге – республика, Г.Х.Андерсен исемендәге Халыкара премияләр лауреаты, Татарстанның атказанган сәнгать эшлеклесе, Башкортстанның атказанган мәдәният хезмәткәре , Халыклар дуслыгы ордены кавалеры Роберт Миңнуллинга әгәр исән булса, 75 яшь тулган булыр иде.

Бу уңайдан район мәдәният сараенда “Исәнмесез, җилләр, туган җирләр”, дип исемләнгән хәтер кичәсе уза.