Тантаналы концерт үтте

10 октябрьдә район мәдәният сараенда Республика көненә багышланган район үзешчәннәре катнашлыгында тантаналы бәйрәм концерты үтте.

Чарада Илеш районы хакимият башлыгы Илдар Мостафин, Башкортстан Республикасы авыл хуҗалыгы министрының беренче урынбасары Рәмил Нуриәхмәтов, Башкортостан республикасы "Башсельхозтехника" генераль директоры, Башкортостан дәүләт җыелышы Королтай депутаты Фларис Шәйхетдинов катнашты. Мәртәбәле кунаклар алдынгы хезмәткәрләрне, «Атайсал» проекты буенча изге эшләре белән ярдәм күрсәтүчеләрне һәм махсус хэрби операциядә катнашкан ир-егетләребезгә актив ярдәм итүчеләрне грамоталар белән буләкләделәр.

Күркәм кичәдә район үзешчәннәре моңлы җырлары һәм дәртле биюләре белән тамашачыларны һәм килгән кунакларны сөендерде.

Әйтергә кирәк, үзебезнең коллегабыз – Айгөл ШАБЕТДИНОВАны да күпьеллык кимчелексез хезмәте, югары һөнәри осталыгы һәм район үсешенә бәяләп бетергесез өлеш керткәне өчен Почет грамотасы белән бүләкләнүе уңаеннан кайнар котлыйбыз. Хезмәттәшебезгә сәламәтлек, гаилә иминлеге һәм эшендә яңа үрләр яулавын телибез.