Акбузатлылар зур концертта катнаштылар

25 июнь көнне Уфа Яшьләр сараенда “Туган телдә Сабантуй-2026” исемле зур концерт булды. Бу чара татар һәм башкорт эстрадасының бик күп популяр йолдызларын җыйды, шулай ук Башкортстанның мәдәни мирасын күрсәтү өчен мөһим платформага әверелде.

Концертның иң якты мизгелләренең берсе «Акбузат» үрнәк хореография ансамбле чыгышы булды (коллектив җитәкчесе - Гүзәл Габдекәева, классика буенча педагог - Анастасия Малышева). Аларның биюе бөтен залны энергия белән тулыландырып кына калмады, чараны ачу тантанасының чын бизәге дә булды.

Шул ук көнне «Акбузат» коллективы быел үзенең ун еллыгын билгеләп үтүче «Сәләт» Бөтенрусия телевизион халык иҗаты фестивалендә катнашты. Фестиваль төрле иҗат коллективлары арасында тәҗрибә уртаклашу мәйданчыгы булып тора һәм яшьләр арасында халык мәдәниятен популярлаштыруга ярдәм итә.

Ансамбль җитәкчеләре «Туган тел»телеканалы белән тыгыз хезмәттәшлек иткәннәре өчен Диплом белән бүләкләнделәр. Бу ансамбльнең милли традицияләрне саклау һәм үстерү өлкәсендәге эшенең мөһимлеген, шулай ук аларның төбәкнең мәдәни тормышына керткән өлешен ассызыклый.

Чыганак