1 октябрь - Өлкәннәр, игелек һәм хөрмәт көне.

Дөмәй авылының А.Абдуллин исемендәге урта мәктәбендә мәктәп тормышында намуслы хезмәт юлы үткән ветераннарны Халыкара өлкәннәр көне уңаеннан котлап күркәм чара үтте. Анда мәктәп җитәкчелеге һәм килгән кунаклар барлык катнашучыларга да җылы сүзләр һәм котлаулар белән мөрәҗәгать итте.

Бәйрәм кичәсендә мәктәпнең 1-5 сыйныф укучылары җыелган хезмәт ветераннары һәм кунаклар алдында концерт номерлары белән чыгыш ясадылар. Алар үзләренең җырлары, биюләре һәм шигырьләре белән сөендерделәр һәм өлкән буын вәкилләренә карата булган ихлас хөрмәтләрен күрсәттеләр. Бәйрәм чәй эчү белән тәмамланды. Бәйрәм өстәле артында кунаклар үзләре һәм мавыгулары турында сөйләделәр, тормыш тәҗрибәләре, истәлекләре, тәэсирләре белән уртаклаштылар.