Аның исеме онытылмаячак

Бар гомерен балаларга белем һәм тәрбия бирүгә багышлаган, күпме буын укучыларга тормыш юлы күрсәткән, 28 ел  буена Кадер урта мәктәбендә директор хезмәтен башкарган, “Почет билгесе” ордены кавалеры, Русия Федерациясенең халыҡ мәгарифе отличнигы Илфир Миңнехан улы Галиев истәлегенә Кадер урта мәктәбендә мемориаль тактаташ ачылды.

Чарада муниципаль район хакимияте башлыгының социаль эшләр буенча урынбасары Вадим Нурыев, район мәгариф идарәсе начальнигы Алмаз Ганиев, Кадер урта мәктәбе директоры Зиләрә Басыйрова, инициатор һәм М.Горький ис. кооператив рәисе Айдар Харисов, аның тормыш иптәше, Башкортостанның атказанган укытучысы Сания Галиева, балалары, укытучылар, укучылар, барлык авылдашлары һ.б. катнашты.  

Чарага килгән һәркем Илфир Миңнехан улы турында якты истәлекләр белән бүлеште һәм зур хөрмәт һәм ярату хисе белән искә алдылар.

Әйе, бөек педагогның исеме мәктәп тарихында һәм илешлеләр күңелендә мәңге яшәячәк.

Лира ГӘРӘЕВА.