Әниләр көне уңаеннан

Бүген Әниләр көне алдыннан Югары Яркәйдәге 1 нче гимназиядә бу игелекле якты көнгә багышланган бәйрәм чарасы узды. Чарада сыйныф җитәкчесе Лира Шәймәрданова җитәкчелегендә 3 а нче сыйныф укучылары эниләре алдында чыгыш ясады, алар яттан шигырьләрне тәэсирле итеп сойләде, матур җырлар, биюләр башкарды.

Бәйрәм белән барлык катнашучыларны гимназия директоры Ленара Мифтахова котлады. Ул Әниләр көне безнең өчен изге бәйрәм, һәрберебезнең тормышында әнинең роле мөһим икәнлеге турында әйтеп үтте. Җитәкче барысына да ныклы сәламәтлек, тынычлык, уңышлар теләде һәм укучыларга бүләк тапшырды.

Балаларның искиткеч концерт номерлары беркемне дә битараф калдырмады.