Патриотик эш айлыгы башланды

3 февральдә оборона-массакүләм, хәрби-патриотик һәм спорт эшләре айлыгы старт алды. Айлыкны рәсми ачу тантанасы Югары Яркәйдәге 1 нче балалар-яшүсмерләр спорт мәктәбенең физкультура-сәламәтләндерү комплексында узды.

Гомум белем бирү учреждениеләрендә катнашучыларны «Юнармия» бөтенрусия балалар-яшүсмерләр хәрби-патриотик иҗтимагый хәрәкәтенең урындагы бүлекчәсе штабы начальнигы Руслан Ганиев сәламләде.
Чарада М.Гәрәев исемендәге автомәктәп директоры Рәзиф Шәйхәйдаров катнашты. Үзенең чыгышында ул ата-бабаларның батырлыклары турындагы хәтерне саклауның, яшь буынны патриотизм рухында һәм үз илебез тарихына хөрмәт рухында тәрбияләүнең мөһимлеген ассызыклады.

Чараның тантаналы өлешеннән соң «Утлы рубеж» спорт ярышлары дәвам итте. Анада 17 команда тизлек һәм чыдамлык, пневматик винтовкадан ату буенча көч сынашты.
Команда зачетында урыннар түбәндәгечә билгеләнде:

-1 урын - Исәмәт урта мәктәбе.

-2 урын – Югары Яркәйдәге 4 нче санлы урта мәктәбе.

-3 нче урын – Үрмәт төп мәктәбе.

Патриотик эш айлыгы 28 февральгә кадәр дәвам итәчәк һәм ай дәвамында төрле чаралар һәм акцияләр планлаштырылган: “Юнармия” сафларына керү, сыйныф сәгатьләре, иншалар конкурслары, тематик күргәзмәләр, ирекле акцияләр, Бөтенрусия һәм төбәк акцияләрендә һәм проектларында катнашу, хәрби хезмәткә чакырылуга кадәрге яшьләр спартакиадасы, «Зарница» хәрби-спорт уеннары, Бөек Ватан сугышы ветераннары, МХО, әфганчылар белән очрашулар һәм башка.чаралар.

Чара яшьләрне патриотик тәрбияләүнең һәм буыннар арасындагы элемтәне ныгытуның мөһим өлешенә әверелде. Оештыручылар айлык илнең булачак яклаучыларын алга таба үстерү һәм тәрбияләү өчен стимул булыр дип ышана.

Чыганак