"Хәрби хезмәт нигезләре" буенча уку җыеннары узды

«Авангард»та һәр дәрес – ул балаларны авырлыкларны җиңәргә, үзләрен һәм үз мөмкинлекләрен танып белергә өйрәтүче шәхес үсешенә адым. Пневматик һәм сугышчан корал белән эш иткәндә хәвефсезлек чаралары, пневматик винтовкадан һәм сугышчан коралдан ату күнегүләрен башкару кагыйдәләренә аерым игътибар бирелде.

Егетләр теориядә һава-десант әзерлеге нигезләрен өйрәнделәр һәм ПВ-58 парашют вышкасыннан сикерделәр. Күпләр өчен парашют белән сикерү - физик әзерлек кенә түгел, рухи көч тә таләп итә торган чын сынау ул. Һәр сикерү адреналин белән тула һәм үз куркуларыңны җиңәргә, гаҗәеп хис-кичерешләр кичерергә һәм дөньяны биеклектән күрергә мөмкинлек бирә.

Укучыларны уку җыеннарының уңышлы тәмамлануы белән котлыйбыз һәм алган белемнәр аларга киләчәк тормышта кирәк булыр дип өметләнәбез.

Чыганак