+21 °С
Облачно
Мәгариф
18 Марта 2025, 05:05
Безнең укытучыларыбыз булдыра!
Уфада «Башкортстанның ел укытучысы» республика һәм «Башкорт теле һәм әдәбияты ел укытучысы» төбәкара конкурсларына йомгак ясалды. 14 мартта «Торатау» конгресс-холлында иң яхшы педагогларны хакимият органнары һәм иҗтимагый оешмалар вәкилләре, педагогик конкурслар жюри әгъзалары, педагогик хезмәт ветераннары котлады.
Безнең укытучыларыбыз булдыра!
"Башкортстанның ел укытучысы", һичшиксез, үзенчәлекле конкурс. Утыз биш ел эчендә анда Башкортстан Республикасының биш меңнән артык укытучысы катнашты. Һәм бу конкурс - әлбәттә, зур педагогик гаилә, анда һәр катнашучы ярдәм таба, белем һәм тәҗрибә белән уртаклаша ала.
Безнең районнан Югары Манчар урта мәктәбенең башлангыч сыйныфлар укытучысы Елизавета Юрьевна Мурзина, Иске Куктау урта мәктәбенең татар теле һәм әдәбияты укытучысы Венера Мирхәт кызы Галиуллина, ә «Башкорт теле һәм әдәбияты ел укытучысы» төбәкара конкурсында Исәмәт урта мәктәбе укытучысы Лариса Рәмил кызы Сәхибгәрәева катнашты.
Өч укытучы да конкурсның республика этабында лаеклы чыгыш ясады. Укытучылар күрсәткән ачык дәресләр жюри әгъзаларыннан яхшы бәяләр алды.
«Туган тел һәм әдәбият елы укытучысы» республика конкурсы йомгаклары буенча Иске Куктау урта мәктәбенең татар теле һәм әдәбияты укытучысы Венера Мирхәт кызы Галиуллина лауреат исеменә лаек булды.
Без Венера Мирхәт кызын җиңүе белән котлыйбыз, барлык катнашучыларга да рәхмәтебезне белдерәбез һәм киләчәктә дә уңышлар телибез!
Безнең укытучыларыбыз булдыра!
