+22 °С
Яңгыр
Мәгариф
14 апрель 2025, 08:00
Лаеклы чыгыш ясадылар
11 апрельдә «Ворошилов укчысы» Бөтенрусия балалар-яшүсмерләр фестиваленең муниципаль этабы булып узды. Бу чара укучыларны даими рәвештә физик культура һәм спорт белән шөгыльләнүгә, шулай ук Ватанны саклауга әзерләүгә юнәлдерелде.
Лаеклы чыгыш ясадылар
Муниципаль этап программасына түбәндәгеләр керде: пневматик винтовкадан 10 метр ераклыктан «басып ату», ераклыкка граната ыргыту һәм идәнгә таянып кулларны бөгү һәм сузу.
“Ворошилов укчысы” Бөтенрусия фестиваленең муниципаль этабы нәтиҗәләре буенча җиңүчеләр һәм призерлар түбәндәгечә билгеләнде:
1 урын - Югары Яркәйдәге 4 нче урта мәктәбе командасы, җитәкчесе Руслан Ганиев.
2 урын - Түбән Яркәйдәге лицей командасы, җитәкчесе Динис Биктимеров.
3 урын - Югары Яркәйдәге 1нче санлы гимназия командасы, җитәкчесе Фәнзил Яһудин.
Муниципаль этапта җиңеп чыккан Югары Яркәйдәге 4 нче урта мәктәбе командасы фестивальнең төбәк этабында район исеменнән чыгыш ясаячак.
Җиңүче команданы котлыйбыз һәм аларга төбәк дәрәҗәсендә алга таба да уңышлар һәм җиңүләр телибез!
