Үзебезнекеләрне ташламыйбыз!

Гуманитар ярдәм җыю пунктына Кадер авыл советы авыл биләмәсе халкы исеменнән авыл биләмәсе башлыгы Айдар Галимов һәм Сеңрән авыл мәдәният йортының мәдәни оештыручысы Флира Камалова җылы әйберләр тапшырды. Иштирәк авылында яшәүче Зөфәр Гәрәйшин безнең сугышчылар өчен күп күләмдә сало алып килде.

Югары Яркәйдән Алсу һәм Рәмил Мослыховлар, Түбән Яркәйдән Рәшит Вәлиев һәм Иске Куктаудан Хәлил Тимерханов беренче кирәк-ярак әйберләр — газ плитәсе, газ баллончыклары, көрәкләр, чүкечләр, шулай ук өйдә әзерләнгән ризыклар алып килде.

Әлбәттә, махсус хәрби операциядә катнашкан сугышчыларыбызга һәртөрле ярдәм мөһим. Әмма иң кирәге — өйдә аларны көтәләр һәм сагыналар.

Егетләребезгә теләгән һәркем ярдәм итә ала. Ярдәм күрсәтүнең барлык мәсьәләләре буенча түбәндәге телефоннар буенча мөрәҗәгать итергә була: 8-927-32-82-982, 8-963-137-92-20.

Источник