Яңа йортлы булдылар

"Авыл территорияләрен комплекслы үстерү" дәүләт программасы кысаларында төзелгән яңа йортларның бәхетле ияләре Андреевка һәм Кадер авылларыннан ике гаилә булды. Йортлар агросәнәгать комплексы хезмәткәрләренә торак бинаны арендалау килешүе буенча бирелгән.

Безнең район "Башкортстан Республикасы авыл территорияләрен комплекслы үстерү"дәүләт программасында иң актив катнашучыларның берсе булып тора. 2023 елда республика буенча төзелгән 10 йортның 2се безнең Илеш районында төзелгән. Йортлар төзү өчен акчалар федераль, республика һәм муниципаль бюджетлардан бүлеп бирелгән, шулай ук бюджеттан тыш акчаларны авыл хуҗалыгы предприятиеләре-эш бирүчеләре дә керткән.

Республика конендә Андреевка авылыннан Сәйфуллиннарның күп балалы гаиләсенә ачкычлар тапшырдылар. Бу гаиләдә 6 искиткеч бала тәрбияләнә. Гаилә башлыгы Кирилл Анатольевич Г. Гайнетдинов крестьян-фермер хуҗалыгында механизатор булып эшли, хатыны Элина Ивановна бала карау буенча ялда.

Сәйфуллиннар гаиләсен яңа йортлы булулары белән котлыйбыз, уңайлы йортта озак еллар яшәүләрен телибез.

Источник