Үзебезнекеләрне ташламыйбыз!

Илеш халкы махсус хәрби операция зонасында булган якташларына гуманитар ярдәм җыю өчен яңадан берләшә.

Көн саен гуманитар ярдәм җыю пунктына халык беренче кирәк-яраклар китерә.

Лариса Галиева 29400 сумлык 7 данә жилетка алып килде. Югары Яркәй, Совет урамы 24 нче йортта яшәүчеләр автомобиль сатып алу өчен 5000 сум акча җыйды. Гүзәлия Абдуллина һәм Рәфага Минәҗева сарымсак тапшырдылар.

Гуманитар йөкнең зур партиясе Андреевка, Кадер, Иске Куктау авыл советлары авыл биләмәләрендә яшәүчеләрдән килде. Игмет һәм Исәмәт авыл советлары авыл биләмәләре халкы буржуйкалар тапшырды.

Гуманитар ярдәм җыюга үз өлешен керткән һәр кешегә чын күңелдән рәхмәт белдерәбез!

Чыганак