"Кызыклы кешеләр" проекты кысаларында

Югары Яркәйдәге 1 нче гимназиянең чыгарылыш сыйныф укучылары "Кызыклы кешеләр" проекты кысаларында Украинада катнашучы Илеш районы хәрби хезмәткәрләренә ярдәм күрсәтү буенча оператив штаб начальнигы, БР Диңгез җыелышының Илеш филиалы җитәкчесе Хәсәнов Рубен Флорит улы һәм тормыш иминлеге нигезләре укытучысы Хөснуллин Илдар Җәүдәт улы белән очраштылар.

Очрашу тере әңгәмә форматында узды. Рубен Флорит улы балаларга үзенең тормыш юлы, махсус хәрби операциядә хезмәт итүләре турында сөйләде. Укучылар сораулар бирделәр, аларны барысы да кызыксындырды: солдатларның кайда яшәвеннән һәм ничек туклануыннан алып, балалар хатларына реакцияләре, хәрбиләр аларны аламы икәненә кадәр. Ул хатлар аларга килеп җиткәнен эйтте. Хәрбиләр бу хатларны укыйлар, саклыйлар, чөнки алар "өйдән"җылылык кисәкчәләре булып торалар дип җавап бирде. Шулай ук Рубен үз инициативасы белән махсус хәрби операциядә катнашучылар өчен гуманитар ярдәм җыю оештыруы турында әйтте һәм балаларны патриотик акцияләргә кушылырга чакырды.

Илдар Җәүдәт улы Илеш районында махсус хәрби операциядә катнашучылар өчен хәйрия ярдәме оештыру, гимназия укучылары катнашкан акцияләр, хәрби һөнәр турында сөйләде.

Муниципаль район хакимияте башлыгы Илдар Мостафин исеменнән 2А сыйныф укучысы Нәбиев Артемга игелекле йөрәге, юмартлыгы һәм Илеш районының мобилизацияләнгән гражданнарына ярдәм итүдә бәяләп бетергесез ярдәме өчен рәхмәт белдерү дә күңелле мизгел булды.

Күп кенә егетләр чын геройларның янәшәдә дә яшәвен күрделәр. Батырлык, туган илгә мәхәббәт - патриот һәм чын гражданның сыйфатлары икәнен аңладылар.

Чыганак