+22 °С
Яңгыр
җәмгыять
19 ноябрь 2023, 06:25
Ата - аналарга бердәм пособие билгеләнде
социаль фондның Башкортстан Республикасы буенча бүлеге ел башыннан 283 меңнән артык баланың ата-аналарына бердәм пособие билгеләде.
Пособиеләр социаль казначылык форматында рәсмиләштерелә. Моның өчен дәүләт хезмәтләре Порталы аша бер генә гариза җитә, ә гаиләнең керемнәре һәм мөлкәте турындагы мәгълүматны Социаль Фонд белгечләре ведомствоара сорау нәтиҗәләре буенча тикшерә.
Гомумән алганда, кабул ителгән гаризалар саны һәм аларны вакытында эшкәртү буенча Башкортстан Республикасы Русия Федерациясендә алдынгы позициядә тора. Барлык гаризалар 10 көн эчендә карала.
Исегезгә төшерәбез, Русиядә Бердәм пособие 2023 елдан кертелгән. Пособие элек гамәлдә булган берничә ярдәм чараларын берләштерә һәм хәзер гаиләләргә йөклелектән алып балага 17 яшь тулганчыга кадәр дәүләтнең финанс ярдәмен алырга мөмкинлек бирә.
Акча рәсмиләштерү өчен ата-аналар һәм балалар Русия гражданнары булырга һәм Русия Федерациясендә яшәргә тиеш. Түләүне билгеләгәндә гаиләнең керемнәрен һәм Мөлкәтен комплекслы бәяләү кулланыла, шулай ук ата-аналарның мәшгульлеге исәпкә алына.
Пенсия һәм социаль иминият фонды бүлекчәсе.
