Мавыктыргыч спорт чарасы

25 ноябрьдә Карабаш авылының спорт-культура үзәгендә Әниләр көненә багышланган волейбол буенча турнир узды. Җиңү өчен 7 команда көрәште.

Турнирда катнашучылар искиткеч уен, спорт энтузиазмы һәм җиңүгә омтылыш күрсәттеләр.

Көрәштә 1 урын – “Гранит” командасы, 2 урын – “Педагоглар” командасы, 3 урын – Түбән Яркәйдәге лицей командасы һәм 4 урын –“Администрация” командасы алды.

Барлык командаларга медальләр һәм грамоталар тапшырылды. Турнирны оештырган өчен Илдар Шаһалиевка һәм Эдуард Галиевка рәхмәт белдерәбез.

Чыганак