Бәйрәм концерты үтте

Район мәдәният сараенда Халыкара инвалидлар көненә багышланган бәйрәм концерты булды. Җәмгыятьнең игътибарын сәламәтлек мөмкинлекләре чикләнгән кешеләргә юнәлтү өчен мөһим дата бөтен дөньяда 3 декабрьдә билгеләп үтелә.

Чарада администрация башлыгының социаль мәсьәләләр буенча урынбасары Рәмил Хәертдинов сәламләү сүзе белән чыгыш ясады, барысына да сәламәтлек һәм иминлек теләде.

Район мәдәният сараеның иҗат коллективлары һәм үзешчән сәнгать артистлары тамашачыларны җанлы җырлары, дәртле биюләре һәм тере музыкасы белән сөендерде.

Источник