Үзебезнекеләрне ташламыйбыз!

Махсус хәрби операция зонасында булган якташларыбызга ярдәм итү дәвам итә.

Мөхәммәтдинов Илгиз һәм Зөһрә гуманитар ярдәм җыю пунктына кондитер изделиялары, аяк киеме эченә сала торган стелькалар, биялиләр, носкилар һәм балта тапшырдылар.

Кужбахты авыл советы халкына 95 метр маскировка челтәре үргән өчен аерым рәхмәтебезне җиткерәбез. Бу безнең яклаучыларның куркынычсызлыгын тәэмин итәр өчен бик мөһим эш.

Ябалак авылы урта гомум белем бирү мәктәбендә "Үзенекеләрне ташламыйбыз!" дигән хәйрия акциясе узды. Укучылар һәм укытучылар көче белән безнең сугышчылар өчен гуманитар ярдәм җыелды.

Район китапханәсе хезмәткәрләре күп санлы окоп шәмнәре һәм маскировка челтәре тапшырды.

Шәхси эшкуар Миргарипов Марат Мизхәт улы изолон, бәйләнгән йон оекбашлар һәм кирәкле кораллар алып килде.

Актив катнашкан һәм изге эшкә үз өлешен керткән, үз җанын һәм көчен игелекле эшкә салган һәр кешегә рәхмәтебезне белдерәбез.

Бергәләп без бердәм һәм җиңелмәс ил икәнебезне исбатлыйбыз!

Источник