Районның гомум белем бирү учреждениеләре арасында «Театралика-2024» смотр-конкурсы башланды.

Мәктәп коллективы тамашачылар игътибарына Ангам Атнабаевның "Ана хөкеме" спектаклен тәкъдим итте.

Спектакль дәвамында сугыш чорында яшәгән халык тормышы күрсәтелә. Фронтка ярдәм итү, Җиңүне якынайту өчен, таңнан таңга кадәр ничек эшләүләре тасвирлана

Тамашачылар сәхнәдә барган вакыйгаларны зур рәхәтлек белән карадылар. Катнашучыларның искиткеч уены, вак-төяккә кадәр уйланылган музыка, яктылык, декорацияләр беркемне дә битараф калдырмады.

Рәхмәтле тамашачылар педагогларның уйнауларына соклануларын белдерделәр.

Спектакльдән соң район Советы секретаре Игорь Никифоров барлык катнашучыларны котлады, рәхмәт сүзләрен җиткерде. Барысына да сәламәтлек, бәхет, барлык башлангычларда уңышлар, иминлек теләде.

Чыганак