Хәрби - патриотик тәрбия кысаларында "Батырлык дәресе" оештырылды

Хәрби-патриотик тәрбия кысаларында 6 - 8 сыйныф укучылары өчен патриотизм һәм хәрби хезмәтләргә хөрмәт тәрбияләүгә юнәлдерелгән "Батырлык дәресе" оештырылды.

Аккуз, Карабаш, Этәй һәм Иске Куктау авыллары укучылары өчен экскурсия оештырылды.  Анда алар махсус хәрби операциядә катнашкан УАЗ автомобиле белән таныштылар.

Автомобиль махсус хәрби операция зонасына 2023 елның февралендә җибәрелгән иде. Аны "Урожай" токымчылык  заводы җәмгыяте әзерләде. Ремонттан соң техника үз хезмәтен дәвам итү өчен яңадан алгы сызыккакитәчәк. Укучылар бу машинаны үз күзләре белән күрде һәм хәрби операциядә куллану турында сораулар бирә алдылар.

"Батырлык дәресе"н  махсус хәрби операциядәге хезмәткәрләргә гуманитар ярдәм күрсәтү буенча штаб җитәкчесе Илдар Хөснуллин үткәрде. Ул укучыларга хәрбиләр кулланган техника, аларның эш көннәре һәм үз илен якларга әзер булуның мөһимлеге турында горурлык белән сөйләде. Ул шулай ук үзенең шәхси тарихлары һәм армиядә хезмәт итү турындагы тәэсирләре белән уртаклашты. Укучыларны киләчәктә Ватан файдасына хезмәт итәргә рухландырды.

Чыганак