Аккуз авылында хоккей турниры узды

Бүген, 5 гыйнварда, Аккуз авылында хоккей турниры узды. Ул махсус хәрби операция барышында хәрби бурычын үтәгәндә һәлак булган сугышчы - разведчик, Аккуз авылында туган Илгиз Рәвил улы Сәйфуллин истәлегенә багышланды.

Боз өстендә беренче урын өчен көрәшү өчен Аккуз һәм Яңа Аю авыллары командалары очрашты. Уен киеренке, көчле эмоцияләр һәм җиңүгә омтылыш белән тулы булды.

Мавыктыргыч матч нәтиҗәләре буенча Яңа Аю авылы командасы 7:5 исәбе белән җиңү яулады. Ике команда да җиңү өчен лаеклы көрәште.

Чыганак