Якташыбыз белән хушлаштык

Бүген илешлеләр Украинада барган хәрби операциядә батырларча һәлак булган, контракт буенча хезмәт иткән 58 яшьлек якташыбыз, рядовой Флүн Галләмов  белән бәхилләште. Яугирне соңгы юлга озатырга аның туганнары һәм якыннары, дуслары, сыйныфташлары, хәрби хәрәкәтләрдә катнашучылар, локаль сугыш ветераннары, авыл халкы килгән иде.

Матәм чарасында муниципаль район хакимияте башлыгы Илдар Мостафин, Башкортстан Республикасы дәүләт Җыелышы Корылтае депутаты Фларис Шәйхетдинов, “Хәрби туганлык” район җәмәгать оешмасы рәисе һәм әгъзалары катнашып, хушлашу сүзе белән чыгыш ясады.

Ф.Галләмов 2023 елның 26 августында Украинадагы махсус хәрби операция үткәрү зонасына үз теләге белән китә. 2023 елның 7 декабрендә Авдеевка янында батырларча һәлак була.