Бүген 18нче янгын сүндерү һәм коткару отрядының 122нче янгын һүм коткару часте коллективында отчет җыелышы үтте

Бүген 18нче янгын сүндерү һәм коткару отрядының 122нче янгын һүм коткару часте коллективында отчет җыелышы үтте.

Җыелышта 18нче янгын сүндерү һәм коткару отрядының начальнигы Евгений Федотов, муниципаль район хакимияте урынбасары Тимур Рамазанов, 18нче янгын сүндерү һәм коткару отрядының 122нче янгын һүм коткару часте начальнигы Заһит Шәйхетдинов катнашты.

Чара вакытында күп еллар буе намуслы эшләгән водитель Фәнүр Абрар улы Шәйхуллинны тантаналы рәвештә лаеклы ялга озаттылар. Аңа нәтиҗәле эшләгәне һәм 2023 ел йомгаклары буенча яхшы профессиональ күрсәткечләргә ирешкәне өчен Илеш районы муниципаль район хакимиятенең Почет грамотасы тапшырылды.

Шулай ук водитель Хәлил Харис улы Кадыров та нәтиҗәле эшләгәне һәм 2023 ел йомгаклары буенча яхшы профессиональ күрсәткечләргә ирешкәне өчен Илеш районы муниципаль район хакимиятенең Рәхмәт хаты белән бүләкләнде.

Шунысы кызыклы, коллективта матур традиция яши: эшкэ алганда һәм лаеклы ялга озатканда хезмәткәрне янгын сүндерү шлангасыннан су белән коендыралар. Бүген дә матур традициягә тугъры калып, Фәнүр Шәйхуллинны хезмәттәшләре су белән коендырды. Аңа сәламәтлек, имин тормыш теләделәр.