Чаңгы ярышлары узды

27 гыйнварда  2008 елда туган һәм аннан яшьрәк егетләр һәм кызлар арасында 26нчы Спартакиада зачетына чаңгы узышлары буенча республика ярышларының муниципаль этабы узды.

Ярышларда районның гомум белем бирү учреждениеләреннән 100 дән артык укучы катнашты.

Номерлар, инструктаж, судьялар командасы күрсәтмәләре бирелгәннән соң, чаңгычылар стартка чыкты. Беренче 3 километрлы трассаны кызлар, ә аннары егетләр сынап карады.

Әлеге ярышлар Кушнаренко авылында узачак зона этабына сайлап алу булып тора. Команда составына 3 кыз һәм 3 егет керәчәк.

Ярышларда катнашучыларның барысы да ихлас катнашты. Без аларга яңа җиңүләр телибез.

Чыганак