Муса Сираҗиның тууына 85 ел тула

1 февральдә танылган башкорт шагыйре Муса Сираҗиның тууына 85 ел тула. Ул талантлы шагыйрь - лирик һәм җыр язучы, дәртле публицист һәм актив җәмәгать эшлеклесе буларак билгеле.

Муса Сираҗи (Муса Шәрәфетдин улы Сираҗетдинов) 1939 елның 1 февралендә Башкортстанның Туймазы районы Түпкилде авылында туган.

Кандра авылының 2 нче урта мәктәбен тәмамлаганнан соң ике ел дәвамында укытучы булып эшли. Башкорт дәүләт университетын  тәмамлагач, «Кызыл таң» газетасы редакциясендә, Башкорт китап нәшрияты мөхәррире, БР Язучылар берлегенең литконсультанты булып эшли.

Язуны студент елларында, Башкорт дәүләт университетында укыганда башлый.  Аның шигырьләре, мәкаләләре, очерклары һәм рәсемнәре республика газеталарында басыла. «Встреча» исемле беренче шигырьләр җыентыгы 1966 елда чыга. М.Сиражи 20 гә якын шигырьләр, поэмалар, җырлар, публицистик әсәрләр җыентыгы, берничә телевизион фильм сценарийлары авторы. «Очрашу», «Син турында җыр» (1970), «Эхо» (1973), «Җир язмышы» (1984), «Агидель-минем язмышым" (1989) һәм башка китаплар укучылар арасында танылу тапкан.

Шагыйрьнең кайбер әсәрләре рус, украин, казах, үзбәк, латыш, немец һәм чуваш телләренә тәрҗемә ителгән.  Аның Г.Тукай, М. Җәлил, Ф. Кәрим, якташыбыз , Туймазы районында туган, зур татар галиме Гази Кашшаф һәм башка бик күп мәкаләләре укучыларда киң резонанс ала.

Муса Сираҗи шагыйрь генә түгел, үз вакытында ул күренекле җәмәгать эшлеклесе, Республика татар мәдәни үзәге Советы рәисе, шулай ук Башкортстан Республикасы башкорт һәм татар халыклары дуслыгы җәмгыяте идарәсе рәисе була.

Муса Сиражи 2019 елның 14 сентябрендә вафат була. Ул Туймазы шәһәрендә җирләнгән.

Без Муса Сираҗине тирән хөрмәт һәм соклану белән искә алабыз. Аның әсәрләре иҗат итүчеләрне,  яңа буынны яшәтсен һәм илһамландырсын иде.

2014, 2019 елларда (шагыйрь исән чакта) Муса Сиражиның туган көненә багышланган район үзәк китапханәсе каршындагы “Илһам” әдәби - музыкаль клубында “Мәңгелек моңым минем” (2014), “Ул матурлык эзли доньядан” (2019) әдәби - музыкаль кичәләре уздырылды. Алар шагыйрьнең 75, 80 еллык юбилеена багышланды.

Фотолар район үзәк китапханәсе каршындагы "Илһам" әдәби-музыкаль клубы архивыннан, 2019 елның феврале.