Гуманитар ярдәм җыю пункты кирәкле әйберләр белән тулылана

Көн саен гуманитар ярдәм җыю пункты кирәкле әйберләр белән тулылана. Оешма коллективлары, шәхси эшмәкәрләр дә читтә калмыйлар, безнең хәрбиләр өчен гуманитар ярдәм әзерлиләр.

-Исәмәт авылы социаль приюты коллективы җитәкчесе Ризидә Гыйзәтулина җитәкчелегендә азык - төлек һәм җылы әйберләр тапшырды, Исәмәт авылы халкы - 12 мең сумнан артык хакка кораллар, үзәк район дәваханәсе ветераннары - газ плитәләре һәм баллончыклар тапшырды.

-Исанбайдан Нияз Газизов, Югары Яркәйдән Рима Бәхтизина, шәхси эшкуар Алсу Әсмәндиярова кораллар, озак саклана торган продуктлар, җылы әйберләр, банкалы  өй эшләнмәләре һәм башка күп нәрсәләр калдырды.

-Йонныдан Зилә Икрамова һәм Гөлшат Латепова татлы чәк-чәк әзерләп алып килделәр.

Якташларыбызга - махсус хәрби операциядә катнашучыларга ярдәм итү өчен вакыт тапкан һәркемгә рәхмәтебезне белдерәбез.

Чыганак