Яшь армиячеләр сафлары студентлар белән тулыланды

-Яшь армиячеләр сафлары Башкорт аграр-технологик колледжы студентлары белән тулыланды

-Чара Сталинград җиңүенең 81 еллыгын бәйрәм итү көнендә узды.

-2 февральдә Муса Гәрәев исемендәге спорт мәктәбендә «Юнармия» сафларына керү тантанасы булды: 7 студент яшь армиячеләр антын кабул итте.

“Юнармия” 2016 елда РФ Оборона министрлыгы инициативасы белән оештырылган Бөтенрусия балалар-яшүсмерләр хәрби-патриотик иҗтимагый хәрәкәте.

Хәрәкәт Русиянең яшьләр иҗтимагый берләшмәләре арасында лидерлык позицияләрен биләп тора һәм хәзерге вакытта 8 яшьтән 18 яшькә кадәрге 1,5 миллионнан артык активист исәпләнә.

Хәрәкәттә катнашучылар волонтерлык эшчәнлеген алып баралар. Истәлекле һәм хәрби-патриотик акцияләр үткәрәләр. Эзләнү һәм туган якны өйрәнү эше, Бөек Ватан сугышы геройлары җирләнгән урыннарны төзекләндерү белән шөгыльләнәләр.

Хәрәкәттә катнашу яшь армиячеләргә бердәмлек хисе тәрбияли, «дуслык» һәм «иптәшлек» төшенчәләрен өйрәтә, командада эшләү осталыгын һәм укуда, спортта җиңүләргә омтылуны булдыра.

Чыганак