Хәйрия концертлары дәвам итә

“Җиңү өчен! Безнең өчен! Ватан өчен!” марафоны кысаларында хәйрия концертлары Яңа Аю авыл советы авыл биләмәсе коллективларында дәвам итә.

Концертта Краснояр авыл клубы һәм Иске Кыргыз мәдәният йортының үзешчән сәнгать коллективлары катнашты.

Әфган сугышы ветераны, "Шурави" волейбол командасы капитаны Илгиз Вәлиев үткәрелгән чараларда актив катнашкан һәм яшьләрне патриотик тәрбияләгән өчен "Хәрби туганлык" оешмасы грамоталарын әфган ветераннары Илдар Нуртдиновка, Ирек Ваһаповка һәм мәдәният оештыручы Рима Сәлимгәрәевага тапшырды.

Патриотик концерт куркәм узды. Концерттан кергән акчалар махсус хәрби операциядә катнашучыларга ярдәм күрсәтүгә китәчәк.

Чыганак