"Зарница 2.0" хәрби-патриотик уены узды

26 февральдә Югары Яркәйәге физкультура-сәламәтләндерү комплексында "Русия көче" Бөтенрусия кышкы спорт марафоны кысаларында "Зарница 2.0" хәрби-патриотик уены узды.

Оборона - массакүләм һәм хәрби - патриотик эш айлыгы тантаналы рәвештә ябылды.

Ярышларда укучылар стройдагы әзерлекне, хәрби тарихны белүләрен күрсәттеләр, спорт нормативларын үтәделәр.

Килгән кунаклар һәм ярышларда катнашучылар алдында яшьләр сәясәте һәм спорт комитеты рәисе Иршат Фәсхиев сәламләү сүзләре белән чыгыш ясады.

Чарада сугыш хәрәкәтләре ветераннары, “Хәрби туганлык” район җәмәгать оешмасы рәисе Фларис Нурлыгаянов һәм активистлары: Ирик Гафаров, Фарист Хәбибуллин, Камил Мостафин, махсус хәрби операциядә катнашучы Фәдис Нуретдинов һәм М.Гәрәев исемендәге автошкола директоры Рәзиф Шәйхәйдаров катнашты.

Барлык катнашучылар һәм җиңүчеләр 1, 2 һәм 3 урыннар өчен мактау грамоталары һәм кубоклар белән бүләкләнде.

Источник